அழகி போட்டியில் சாதனைகளை குவிக்கும் பிளாரன்ஸ் ஹெலன் நளினி... யார் இவர்?

 திருமதி உலக அழகி போட்டியில் தமிழ்நாட்டை சேர்ந்த டாக்டர் பிளாரன்ஸ் ஹெலன் நளினி பங்கேற்க உள்ளார். அவர் குறித்தும், அவர் பங்கேற்கும் அழகி போட்டி குறித்தும், அவரின் சாதனைகள், லட்சியங்கள் குறித்தும் இங்கு முழுமையாக காணலாம்.

அமெரிக்காவின் டென்னசி மாகாணத்தில் இந்த ஆண்டு நடைபெற உள்ள திருமதி உலக அழகி போட்டியில் தமிழ்நாட்டை சேர்ந்த டாக்டர் பிளாரன்ஸ் ஹெலன் நளினி பங்கேற்க உள்ளார். இவர் திருமதி சர்வதேச ஆசிய பசிபிக் பகுதியின் பிரதிநிதியாக கலந்துகொள்ளப்போவதாகத் தெரிவித்துள்ளார். 

திருமதி உலக அழகி போட்டி என்பது திருமணமான பெண்களின் சாதனைகளை உலகம் முழுவதும் எடுத்துச் சொல்லும் போட்டியாகும். இதில் 70க்கும் அதிகமான நாடுகளில் இருந்து பல சாதனைகளைச் செய்த பெண்கள் கலந்துகொள்ள உள்ளனர். இந்தப்போட்டி வரும் ஜூலை 17ஆம் தேதி முதல் ஜூலை 22ஆம் தேதி வரை நடைபெறும் நிலையில், அதில் டாக்டர் பிளாரன்ஸ் ஹெலன் நளினி பங்கேற்கிறார்.