𝗟𝗮𝘁𝗲𝘀𝘁 𝗡𝗲𝘄𝘀 : கடலில் அடித்துச் செல்லப்பட்ட பாடசாலை மாணவர்கள்!!
𝗧𝗮𝗺𝗶𝗹 𝗡𝗲𝘄𝘀 : பாடசாலை மாணவர்கள் இருவர் கடலில் மூழ்கி காணாமல் போய் உள்ளனர்..
குறித்த சம்பவமானது மாளிகைக்காடு- சாய்ந்தமருது பிரதேசத்தை சேர்ந்த இரண்டு மாணவர்கள் நிந்தவூர் பிரதேச கடலில் புகைப்படம் எடுத்து விளையாடிக் கொண்டிருந்தபோது கடலில் அடித்துச் செல்லப்பட்டு காணாமல் போயுள்ளனர்.
குறித்த சம்பவமானது, இன்று(வெள்ளி 16) மாலை இடம்பெற்றுள்ளது.
காணாமல் போன மாணவர்கள் ஜும்மா தொழுகையை முடித்துவிட்டு துவிச்சக்கர வண்டியில் நிந்தவூர்- ஒலுவில் எல்லை கடற்கரைக்கு சென்று புகைப்படம் எடுத்து விளையாடிக் கொண்டிருந்த பொழுது கடலில் அடித்துச் செல்லப்பட்டுள்ளதாக முதற்கட்ட விசாரணையில் தெரியவந்துள்ளது.
மேலும் 13 தொடக்கம் 15 வயதுக்குட்பட்ட 08 மாணவர்கள் கடலுக்கு குளிக்க சென்ற வேளையிலேயே அதில் இருவர் அடித்துச் செல்லப்பட்டுள்ளனர்.
மேலும் அடித்துச்செல்லப்பட்ட மாணவர்கள், காணாமல் போன நிமிடத்தில் இருந்து இதுவரைக்கும் அப்பிரதேச கடற்றொழிலாளர்கள், மற்றும் பொதுமக்களும் இயந்திர படகுகளை கொண்டு தேடி வருகின்றனர்.
மேலும் இன்று
இரவு 09.00 மணி வரை அந்த மாணவர்களின் உடலை கண்டுபிடிக்க தேடுதலில் ஈடுபட்டுள்ளனர் பின்பு இருள் காரணமாக தேடுதல் நடவடிக்கைகள் நிறுத்தப்பட்டுள்ளது.
மேலும், ஏனைய ஆறு மாணவர்களும் அவர்கள் பயணித்த துவிச்சக்கர வண்டிகளும் நிந்தவூர் காவல்துறையினரின் கட்டுப்பாட்டில் மேலதிக விசாரணைக்காக கொண்டு செல்லப்பட்டுள்ளதாக தெரியவந்துள்ளது.
*இலங்கையில் வெளியாகும் உறுதிப்படுத்தப்பட்ட முக்கியமான செய்திகளை மாத்திரம் *நரன் Media network* ஊடாக உடனுக்குடன் தினம்தோறும் பெற்றுக்கொள்கின்றீர்கள்...*
