Latest news: இலங்கையில் இளம் அமெரிக்க யுவதிக்கு நடந்த கொடூரம்!

amil news: இலங்கைக்கு சுற்றுலா வந்த அமெரிக்க யுவதியை பாலியல் துஷ்பிரயோகம் செய்த இருவர் கைது செய்யப்பட்டுள்ளனர்.

சம்பவம் தொடர்பில் மேலும் தெரியவருவதாவது, கடந்த 30ம் திகதி கண்டியிலிருந்து பதுளை நோக்கி பயணித்த தொடரூந்தில் வெளிநாட்டுப் பெண்ணொருவர் அழுது கொண்டிருப்பதைக் கண்ட பயணிகள் அவரிடம் அதைப்பற்றிக் கேட்டுத் தெரிந்துகொண்டு காவல்துறையிடம் ஒப்படைத்துள்ளனர்.

இதனையடுத்துஇ நானுஓயா காவல்துறையினால் மேற்கொள்ளப்பட்ட விசாரணையின் போதுஇ

கடந்த 29ம் திகதி கண்டியிலுள்ள தங்குமிடமொன்றில் தாம் துஷ்பிரயோகம் செய்யப்பட்டதாக தெரிவித்த யுவதி(வயது 25) துஷ்பிரயோகம் செய்துவிட்டு, 2,400 அமெரிக்க டொலர்கள் மதிப்புள்ள தங்க வளையல்இ 3,600 அமெரிக்க டொலர்கள் மதிப்புள்ள நெக்லஸ் மற்றும் ஒரு ஜோடி வைரம் பதித்த காதணிகள் ஆகியவற்றை சந்தேக நபர்கள் திருடிச் சென்றதாக முறைப்பாடு அளித்தார்.

அதாவது கண்டியிலுள்ள தங்குமிடமொன்றில் சந்தேகநபர்கள் இருவருடன் மதுபானம் அருந்தியதாகவும் அதன் பின் என்ன நடந்தது என்று தனக்கு ஞாபகம் இல்லை எனவும், சுயநினைவு திரும்பியபோது படுக்கையில் நிர்வாணமாக இருந்ததாகவும் குறித்த யுவதி காவல்துறையிடம் கூறியுள்ளார்.

முறைப்பாட்டினையடுத்து சுற்றுலா வழிகாட்டியாக பணியாற்றிய ஒருவரும், அவருடைய நண்பரும் கைதுசெய்யப்பட்டுள்ளதாக கண்டி காவல்துறையினர் தெரிவித்துள்ளனர்.

மேலும் சந்தேகநபர்கள் இருவரும் சட்ட வைத்தியரிடம் அனுப்பி அறிக்கை பெற நடவடிக்கை எடுத்துள்ளது.

ஆனால் வெளிநாட்டு யுவதியை சட்ட வைத்தியரிடம் பரிந்துரைக்க முயற்சித்த போதும் அவர் மறுத்துள்ளார்.

சம்பவம் தொடர்பில் கண்டி காவல்துறையின் குற்றப் புலனாய்வுப் பிரிவினர் மேலதிக விசாரணைகளை மேற்கொண்டு வருகின்றமை குறிப்பிடத்தக்கது.

*இலங்கையில் வெளியாகும் உறுதிப்படுத்தப்பட்ட முக்கியமான செய்திகளை மாத்திரம் *நரன் Media network* ஊடாக உடனுக்குடன் தினம்தோறும் பெற்றுக்கொள்கின்றீர்கள்...*