𝗟𝗮𝘁𝗲𝘀𝘁 𝗡𝗲𝘄𝘀 : யாழ்ப்பாணத்தில் ஹெரோயின் போதைப்பொருளுடன் நால்வர் கைது!!
யாழ்ப்பாணத்தில் போதைப்பொருளை உடமையில் வைத்திருந்த குற்றச்சாட்டில் 4 இளைஞர்கள் காவல்துறையினரால் கைது செய்யப்பட்டுள்ளனர்.
குறித்த சம்பவம் தொடர்பில் தெரியவருவது,
கோண்டாவில் - இருபாலை வீதியில் உள்ள இடமொன்றை இளைஞர்கள் போதைப்பொருள் விற்பனைக்காக பயன்படுத்திவருவதாக கிடைக்கப்பெற்ற இரகசிய தகவலின் அடிப்படையில் காவல்துறையினர் சோதனை நடவடிக்கையினை முன்னெடுத்துள்ளனர் . அதன் போது அங்கு நான்கு இளைஞர்கள் போதை பொருளை வாங்குவதற்காக குறிப்பிட்ட இடத்திற்கு (19 திங்கள் )வருகை தந்து போதைபொருட்களை பெற்றுக்கொண்ட பின்பு அவர்களை காவல்துறையினர் நேரடியாக கைது செய்துள்ளனர். மேலும் கைது செய்யப்பட்டவர்களிடம் இருந்து, 5 கிராம் ஹெரோயின் போதைப்பொருளும் , ஊசியும் மீட்கப்பட்டுள்ளதாக பொலிஸ் அதிகாரிகள் தெரிவித்தனர்.
கைது செய்யப்பட்டவர்களிடம் மேற்கொண்ட விசாரணையின் போது,குருநகர் பகுதியை சேர்ந்த நபரிடம் தான் போதைப்பொருளை கொள்வனவு செய்வதாக தெரிவித்துள்ளனர்.
விசாரணையின் பொழுது கிடைக்கபெற்ற தகவலுக்கு அமைய குறித்த குருநகர் பகுதியை சேர்ந்த போதைப்பொருளை விற்பனை செய்யும் நபரை பொலிஸ்ஸார் அடையாளம் கண்டுள்ளனர், மேலும் அவரை கைது செய்வதற்கான நடவடிக்கை மேற் கொண்டுள்ளதாக தெரிவிக்கபடுகிறது..
*இலங்கையில் வெளியாகும் உறுதிப்படுத்தப்பட்ட முக்கியமான செய்திகளை மாத்திரம் *நரன் Media network* ஊடாக உடனுக்குடன் தினம்தோறும் பெற்றுக்கொள்கின்றீர்கள்...*
