𝗟𝗮𝘁𝗲𝘀𝘁 𝗡𝗲𝘄𝘀 : விஜய் ஆரம்பித்த கட்சியின் பெயரில் மாற்றம்.!!
𝗧𝗮𝗺𝗶𝗹 𝗡𝗲𝘄𝘀 : நடிகர் விஜய் அரசியலுக்கு வந்ததை அடுத்து தமிழக அரசியல் களத்தில் புதிய பரபரப்பை ஏற்படுத்தியுள்ளது.
நடிகர் விஜய் 'தமிழக வெற்றி கழகம்' என்ற கட்சியை தொடங்கியிருந்த நிலையில், கட்சி தொடங்கிய அறிவிப்பை கடந்த 2ம் திகதி விஜய் அதிகாரபூர்வமாக அறிவித்திருந்தார். அதற்கு தேர்தல் ஆணையகம் அங்கீகாரம் வழங்கியதும் கட்சியின் கொடி, சின்னம் அறிவிக்கப்படும் என்று விஜய் தெரிவித்திருந்தார்.
இந்த நிலையில் நடிகர் விஜய் 'தமிழக வெற்றி கழகம்' என்று ஆரம்பித்திருந்த கட்சியின் பெயரில், 'க்' என்ற எழுத்து விடுபட்டுள்ளதாக பலரும் சுட்டிக் காட்டியிருந்தனர் . அதாவது கட்சிப் பெயரிலேயே தவறு இருப்பதாக பிற கட்சியினரும் சமூக வலைதளங்களில் விமர்சித்து வந்தனர்.
இதனை தொடர்ந்து விஜய் தனது கட்சியின் பெயரில் 'க்' என்ற எழுத்தினை சேர்த்து 'தமிழக வெற்றிக் கழகம்' என்று மாற்றவுள்ளார்.
அதனை தொடர்ந்து விஜய் தனது கட்சியின் அதிகாரபூர்வ சமூக வலைதளத்தில் 'க்' என்ற எழுத்து சேர்த்து 'தமிழக வெற்றிக் கழகம்' என்று பெயர் மாற்றம் செய்யப்பட்டுள்ளது.
*இலங்கையில் வெளியாகும் உறுதிப்படுத்தப்பட்ட முக்கியமான செய்திகளை மாத்திரம் *நரன் Media network* ஊடாக உடனுக்குடன் தினம்தோறும் பெற்றுக்கொள்கின்றீர்கள்...*
