𝗟𝗮𝘁𝗲𝘀𝘁 𝗡𝗲𝘄𝘀 : இந்திய மத்திய அரசு அனுமதி !! இலங்கை வருகிறார் சாந்தன்.
𝗧𝗮𝗺𝗶𝗹 𝗡𝗲𝘄𝘀: சாந்தன் இலங்கை வருவதற்கு இந்திய அரசாங்கம் அனுமதியளித்துள்ளது.
சாந்தன் உடல் நலக்குறைவு காரணமாக தற்போது சென்னையில் உள்ள ராஜீவ் காந்தி அரச பொது மருத்துவமனையில் சிகிச்சை பெற்று வருகின்றார்.
மேலும் இலங்கை நாட்டுக்கு வருவதற்கான அனுமதியை இந்திய அரசுவழங்கியுள்ளது.
இதன் அடிப்படையில் இன்னும் 10 நாட்களுக்குள் சாந்தன் இலங்கைக்கு அனுப்பிவைக்கப்படுவார் எனறு இந்திய அரச அதிகாரிகள் தெரிவித்துள்ளனர்.
சாந்தனுக்கு 2024 தை மாதம் 24ம் திகதி உடல் நிலை பாதிக்கப்பட்டு திருச்சி அரசு மருத்துவமனையில் அனுமதிக்கப்பட்டார்.
பின்னர் மேலதிக உயர் சிகிச்சைக்காக சென்னை ராஜீவ் காந்தி அரச பொது மருத்துவமனைக்கு இடம் மாற்றப்பட்டு, தீவிர சிகிச்சை பிரிவில் சிகிச்சை பெற்று வருகிறார்.
சாந்தனை சோதனை செய்த மருத்துவ அதிகாரிகள் அவருக்கு கல்லீரல் செயலிழப்பு ஏற்பட்டு இருப்பதாகவும், மற்றும் பல்வேறு உடல் நல பாதிப்புகள் ஏற்பட்டிருப்பதாக தெரிவித்தனர்.
மேலும் தெரிவிக்கையில் சாந்தனின் இதயத் துடிப்பு, இரத்த அழுத்தம், சுவாச சுழற்சி உள்ளிட்டவை சீராக இருப்பதாகவும், காணப்படும் பிற பாதிப்புகளுக்கு தொடர் சிகிச்சை அளிக்கப்பட்டு வருவதாக அரச மருத்துவர்கள் தெரிவித்தனர்.
மற்றும் இந்திய அரசாங்கம் சாந்தனை இலங்கைக்கு அனுப்புவதற்க்கான அனுமதி கடிதத்தை மத்திய அரசு அனுப்பியுள்ளது.
சாந்தன் சொந்த நாட்டுக்கு செல்வதற்கான விமான டிக்கெட்டுகள் மற்றும் ஏற்பாடுகள் விரைவாக செய்யப்படும் என தகவல் வெளியாகி உள்ளது.
சாந்தன் இலங்கை செல்வதற்கான அனுமதி கடிதத்தை திருச்சி கலெக்டருக்கு மத்திய அரசு அனுப்பி உள்ளது.
இலங்கை தூதரக அதிகாரிகளிடம் அனுமதி கிடைத்த பின் சாந்தன் இலங்கைக்கு அனுப்பபடுவார்.
*இலங்கையில் வெளியாகும் உறுதிப்படுத்தப்பட்ட முக்கியமான செய்திகளை மாத்திரம் *நரன் Media network* ஊடாக உடனுக்குடன் தினம்தோறும் பெற்றுக்கொள்கின்றீர்கள்...*
