𝗟𝗮𝘁𝗲𝘀𝘁 𝗡𝗲𝘄𝘀 : சுகாதார அமைப்பு எச்சரிக்கை!! கொரோனா தடுப்பூசியால் ஆபத்து.
𝗧𝗮𝗺𝗶𝗹 𝗡𝗲𝘄𝘀 : தற்பொழுது கொரோனா தடுப்பூசியினால் இதயம் மற்றும் மூளை, இரத்தக் கோளாறுகள் போன்ற பிரச்சினைகள் ஏற்படுவதற்கான சாத்தியம் அதிகரித்து வருவது இனங்காணப்பட்டுள்ளதால் இலங்கை மருத்துவ நிபுணர்கள் சுகாதார அதிகாரிகளை விழிப்புடன் இருக்குமாறு வலியுறுத்தியுள்ளனர்.
மேலும் அண்மையில்,
உலக சுகாதார அமைப்பின் உலகளாவிய தடுப்பூசி தரவு வலையமைப்பானது தனது ஆராய்ச்சியாளர்களுடன் நடத்திய ஆய்வில், பைஸர், மோடெர்னா, மற்றும் அஸ்ட்ராஸினெகா போன்ற நிறுவனங்களால் கண்டுபிடிக்கப்பட்ட கொரோனா தடுப்பூசிகள் இதயம், மூளை மற்றும் குருதி கோளாறுகளை ஏற்படுத்துவதாக கண்டறியப்பட்டுள்ளது.
குறித்த ஆய்வின் தீவிரத்தன்மையினை குறித்து இலங்கை அரசாங்க மருத்துவ அதிகாரிகள் சங்கத்தின் ஊடகப் பேச்சாளரான "சமில் விஜேசிங்க" நமது நாட்டுக்குள் கொரோனா (Covid 19) தடுப்பூசிகளுடன் தொடர்புடைய ஏதேனும் பக்கவிளைவுகள் ஏற்படுவது தொடர்பாக அவதானம் செலுத்தி வருகின்றது.
மேலும் கண்டுபிடிப்புகளின் தீவிரத்தன்மையைக் கருத்திற் கொண்டு நாடானது விழிப்புடன் இருக்க வேண்டும் என கூறியிருந்தார்.
மேலும் தெரிவிக்கையில்,
இது 8 நாடுகளில் தடுப்பூசி போடப்பட்ட 99 மில்லியன் மக்களை இலக்காகக் கொண்டது எனவும், இந்த ஆய்வு இன்றுவரை கொரோனா தடுப்பூசி தொடர்பாக நடத்தப்பட்ட ஆய்வுகளில் மிகப்பெரிய ஆய்வு என்றும், குறிப்பிட்டிருந்தார்.
எனினும் குறித்த ஆய்வின் கண்டுபிடிப்புக்கள் இலங்கைக்கு நேரடியாகப் பயன்படுத்த முடியாது,
ஏனெனில் ஆய்வு மேற்கொள்ளப்பட்ட தரவுகள் இலங்கை சூழலில் இருந்து வேறுபடுவது மாத்திரமன்றி, மரபணு வடிவங்கள் மற்றும் அதனுடன் தொடர்புடைய வடிவங்கள் போன்ற காரணிகளும் இதில் கணிசமான அளவு பங்களிப்பை கொண்டுள்ளன, என்று அவர் சுட்டிக்காட்டினார்.
மற்றும் இலங்கை சுகாதார அமைச்சு நிலைமையை உன்னிப்பாகக் கண்காணிக்க வேண்டிய, அதே நேரத்தில் உள்ளூர் கணக்கெடுப்பை நடத்த வேண்டியதன் அவசியத்தைப் பற்றி சிந்திக்க வேண்டும் என்று ஊடகங்களுக்கு கருத்து தெரிவிக்கும் போது தெரிவித்திருந்தார்.
மேலும் கொரோனா தடுப்பூசிகளின் பக்க விளைவுகள் குறித்து நாட்டில் நிரூபிக்கப்பட்ட ஆய்வு எதுவும் நடத்தப்படவில்லை என்று இலங்கையின் சுகாதார அமைச்சு உறுதிப்படுத்தியுள்ளமை குறிப்பிடத்தக்கது.
*இலங்கையில் வெளியாகும் உறுதிப்படுத்தப்பட்ட முக்கியமான செய்திகளை மாத்திரம் *நரன் Media network* ஊடாக உடனுக்குடன் தினம்தோறும் பெற்றுக்கொள்கின்றீர்கள்...*
