𝗟𝗮𝘁𝗲𝘀𝘁 𝗡𝗲𝘄𝘀 : வைரலாகும் கலா மாஸ்டர் கண்ணீர் அஞ்சலி போஸ்டர்!
𝗧𝗮𝗺𝗶𝗹 𝗡𝗲𝘄𝘀 : தென்னிந்தியாவைச் சேர்ந்த கலா மாஸ்டருக்கு கண்ணீர் அஞ்சலி துண்டுப்பிரசுரங்கள் ஒட்டப்பட்டுள்ளமை பரபரப்பை ஏற்படுத்தியுள்ளது.
வடமராட்சியின் சில பகுதிகளில் குறிப்பாக வல்லை பஸ் நிலையங்களில் கலா மாஸ்டர் கண்ணீர் அஞ்சலி போஸ்டர்கள் ஒட்டப்படுள்ளன.
பெரும் விமர்சையாக ஒழுங்குபடுத்தப்பட்ட பிரபல பாடகர் ஹரிஹரனின் இசைநிகழ்ச்சியானது சீரான ஒழுங்குபடுத்தல் இன்மை காரணமாக பெரும் குழப்பத்தில் முடிந்திருந்தது.
இதன் காரணமாக கலா மாஸ்டரின் கண்ணீர் அஞ்சலி சுவரொட்டிகள் ஆங்காங்கே ஒட்டப்பட்டுள்ளது.
நேற்று 09/02/2024 வெள்ளி குறித்த நிகழ்ச்சி குழப்பத்தின் காரணமாக சில நிமிடங்கள் நிறுத்தி வைக்கப்பட்டிருந்தமை குறிப்பிடத்தக்கது.
குறித்த இசை நிகழ்ச்சியில் பங்கேற்க குஷ்பு, கலா மாஸ்டர் ஆகியோர் யாழ்ப்பாணம் வருகை தருவதாக அறிவிக்கப்பட்ட நிலையில் ஆரம்பம் முதலே எதிர்ப்பு காட்டப்பட்டு வந்தது குறிப்பிடத்தக்கது.
குஷ்பு பங்கேற்காத நிலையில் கலா மாஸ்டரே இசை நிகழ்ச்சி ஏற்பாட்டை கவனித்தமை குறிப்பிடத்தக்கது.
*இலங்கையில் வெளியாகும் உறுதிப்படுத்தப்பட்ட முக்கியமான செய்திகளை மாத்திரம் *நரன் Media network* ஊடாக உடனுக்குடன் தினம்தோறும் பெற்றுக்கொள்கின்றீர்கள்...*
