Latest news: வவுனியாவில் இளம் குடும்பஸ்தர் ஒருவர் சடலமாக மீட்பு!
tamil new: கிணறு ஒன்றிலிருந்து இளம் குடும்பஸ்தரின் சடலம் இன்று(16.02.2024) காலை மீட்கப்பட்டுள்ளதாக செட்டிகுளம் காவல்துறையினர் தெரிவித்தனர்.
சம்பவம் தொடர்பில் மேலும் தெரியவருவதாவது,
வவுனியா மாவட்டத்தின் செட்டிகுளம், வீரபுரம் பகுதியில் வசிக்கும் இளம் குடும்பம் ஒன்றுக்குள் ஏற்பட்ட வாய் தர்க்கத்தையடுத்து கணவனான இளம் குடும்ப தலைவர் வீட்டில் இருந்த கிணற்றுக்குள் குதித்துள்ளார்.
இதனையடுத்து, மனைவியும், பிள்ளைகளும் அயலில் உள்ளவர்களை அழைத்து அவரை மீட்க முயற்சித்துள்ளனர்.
ஆனால் அப்பகுதி மக்களின் துணையுடன் உயிரிழந்த நிலையிலேயே அவரை மீட்க முடிந்துள்ளது.
இதனையடுத்து உயிரிழந்தவரின் சடலம் செட்டிகுளம் வைத்தியசாலையில் ஒப்படைக்கப்பட்டதுடன், அங்கிருந்து வவுனியா வைத்தியசாலைக்கு அனுப்பி வைக்கப்பட்டுள்ளது.
மூன்று பிள்ளைகளின் தந்தையான 33 வயதுடைய இளம் குடும்ப தலைவருடன் இவ்வாறு உயிரிழந்துள்ளமை குறிப்பிடத்தக்கது.
*இலங்கையில் வெளியாகும் உறுதிப்படுத்தப்பட்ட முக்கியமான செய்திகளை மாத்திரம் *நரன் Media network* ஊடாக உடனுக்குடன் தினம்தோறும் பெற்றுக்கொள்கின்றீர்கள்...*
