Latest news: யாழ்ப்பாணத்தில் ஆசிரியை ஒருவர் தற்கொலை!
tamil news: வட்டுக்கோட்டை காவல்துறை பிரிவிற்குட்பட்ட வட்டு தெற்கு பகுதியில் ஓய்வுபெற்ற ஆசிரியை ஒருவர் இன்று(28.02.2024) தூக்கிட்டு உயிரை மாய்த்துள்ளார்.
வட்டு தெற்கு நாவலடி வீதியில் வசித்து வந்த செல்வரதி விதிதரன்(வயது 59) என்பவரே இவ்வாறு உயிரிழந்துள்ளார்.
சம்பவம் குறித்து மேலும் தெரியவருவதாவது,
வீட்டில் யாரும் இல்லாத சந்தர்ப்பத்தில் பி.ப 5.00 மணிக்கும் பி.ப 6.00 மணிக்கும் இடைப்பட்ட நேரத்தில் இந்த சம்பவம் இடம்பெற்றுள்ளது.
இவர் 2016ம் ஆண்டு ஏற்கனவே ஒரு தடவை தற்கொலை முயற்சியில் ஈடுபட்டவர் எனவும், அதன்பின் மன அழுத்தத்தில் காணப்பட்டதாகவும் தெரிவிக்கப்படுகின்றது.
அவரது இறப்பு மீதான மரண விசாரணைகளை திடீர் மரண விசாரணை அதிகாரி ஆ.ஜெயபாலசிங்கம் மேற்கொண்டிருந்தார்.
உடற்கூற்று பரிசோதனைகளின் பின்னர் சடலம் உறவினர்களிடம் ஒப்படைக்கப்படவுள்ளது.
*இலங்கையில் வெளியாகும் உறுதிப்படுத்தப்பட்ட முக்கியமான செய்திகளை மாத்திரம் *நரன் Media network* ஊடாக உடனுக்குடன் தினம்தோறும் பெற்றுக்கொள்கின்றீர்கள்...*
