Latest news: கெஹலியவின் பெயரில் பாடசாலை; ஆசிரியர் சங்கம் குற்றச்சாட்டு!!!
tamil news: இலங்கை கல்வியமைச்சின் சுற்றறிக்கையை மீறிய நிலையில், முன்னாள் அமைச்சர் கெஹலிய ரம்புக்வெலவின் பெயரில் கண்டி குண்டசாலை பிரதேசத்திலுள்ள பாடசாலைக்கு பெயரிடப்பட்டுள்ளது.
இதனையடுத்து அந்த பெயரை உடனடியாக நீக்க வேண்டும் என இலங்கை ஆசிரியர் சங்கம் வலியுறுத்தியுள்ளது.
அதாவது, 1996ம் ஆண்டு கல்வியமைச்சினால் வெளியிடப்பட்ட சுற்றறிக்கையின் பிரகாரம் இலங்கையில் உயிருள்ள ஒருவரின் பெயரை பாடசாலைக்கு பெயரிட முடியாது என அறிவிக்கப்பட்டுள்ளது.
ஆனால் முன்னாள் அமைச்சர் கெஹலிய ரம்புக்வெல்ல சமூகத்திற்கு தவறான உதாரணமாக குண்டசாலை பிரதேசத்திலுள்ள ஆரம்ப பாடசாலைக்கு கெஹலிய ரம்புக்வெல்ல ஆரம்ப பாடசாலை என பெயரிட்டுள்ளார்.
ஆகவே, உயிருடன் இருக்கும் ஒருவரின் பெயரை பாடசாலைகளுக்கு வைப்பதற்கு எதிராக அரசாங்கம் உடனடியாக நடவடிக்கை எடுக்க வேண்டும் இவ்வாறு இலங்கை ஆசிரியர் சங்கத்தின் செயலாளர் ஜோசப் ஸ்டாலின் சுட்டிக்காட்டியுள்ளார்.
*இலங்கையில் வெளியாகும் உறுதிப்படுத்தப்பட்ட முக்கியமான செய்திகளை மாத்திரம் *நரன் Media network* ஊடாக உடனுக்குடன் தினம்தோறும் பெற்றுக்கொள்கின்றீர்கள்...*
