Latest news: தமிழ் இளைஞர்கள் இருவர் கட்டுநாயக்கவில் கைது!
tamil news: சட்டவிரோத கிரேக்க சுற்றுலா விசாக்களைப் பயன்படுத்தி ஐரோப்பாவுக்குச் செல்வதற்காக கட்டுநாயக்க விமான நிலையத்துக்கு சென்றிருந்த 2 இளைஞர்கள் நேற்றையதினம்(23.02.2024) அதிகாலை குடிவரவு மற்றும் குடியகல்வு அதிகாரிகளால் கைதுசெய்யப்பட்டுள்ளனர்.
அவர்களில் ஒருவர் வவுனியாவைச் சேர்ந்த 34 வயதுடையவர் மற்றையவர் யாழ்ப்பாணத்தைச் சேர்ந்த 26 வயதுடையவர் என்பது கவனத்திற்குரியது.
சம்பவம் தொடர்பில் மேலும் தெரியவருவதாவது,
நேற்று அதிகாலை சுமார் 4.35 மணியளவில் தோஹா நோக்கிப் புறப்படவிருந்த கத்தார் எயார்வேஸின் QRR-663 விமானத்தில் பயணிப்பதற்காக சந்தேகநபர்கள் இருவரும் கட்டுநாயக்க விமான நிலையத்துக்கு வந்துள்ளனர்.
முதலில் கத்தாரின் தோஹாவுக்கும், அங்கிருந்து பிரான்ஸின் தலைநகர் பாரிஸுக்கும் கடைசியாக ஜெர்மனியின் மூனிச் நகருக்கும் செல்ல திட்டமிட்டிருந்தமையும் விசாரணைகளில் தெரிய வந்துள்ளமை குறிப்பிடத்தக்கது.
*இலங்கையில் வெளியாகும் உறுதிப்படுத்தப்பட்ட முக்கியமான செய்திகளை மாத்திரம் *நரன் Media network* ஊடாக உடனுக்குடன் தினம்தோறும் பெற்றுக்கொள்கின்றீர்கள்...*
