𝗟𝗮𝘁𝗲𝘀𝘁 𝗡𝗲𝘄𝘀 : நாளை மாக சிவராத்திரி !! ஐந்து இராசியினருக்கு அதிர்ஷ்டம்.
𝗧𝗮𝗺𝗶𝗹 𝗡𝗲𝘄𝘀 : மார்ச் 08 (நாளை, வெள்ளி ) மகா சிவராத்திரி கொண்டாடப்படவுள்ளது.
சிவராத்திரியை ஐந்து வகையாக சொல்வார்கள். அது நித்திய சிவராத்திரி, பட்ச சிவராத்திரி, மாத சிவராத்திரி, யோக சிவராத்திரி, மகா சிவராத்திரி. மாசி மாதம் வளர்பிறை சதுர்த்தசி திதியில் வரும் சிவராத்திரியை, `மகா சிவராத்திரி' என்று வழிபடுகிறோம்.
இத் தினத்தில் கோள்களின் அமைப்புகள் இயற்கையாகவே உயிர்சக்தியை மேல் நோக்கி நகரசெய்கிறது. இதனால் அன்றையதினம் விழித்திருந்தால் எமது உயிர்சக்தி மேல்நோக்கி நகரும் என முன்னோர்களும் சித்தர்களும் கூறியுள்ளனர்.
நாளை மாலை (P.M) 6 மணி முதல் அடுத்த நாள் காலை (A.M) 6 மணி வரையான 4 ஜாம வேளைகளில் சிவபெருமானை பூஜை செய்வது மோட்சத்தை வழங்கும் என்பது இந்துக்களின் ஐதீகம்.
குறித்த தினத்தில் விஷேடமாக 4 கால பூஜைகள் நடைபெறும்.
அதாவது மாலை 6 மணி முதல் இரவு 9 மணி வரை முதல் கால பூஜை, இரவு 9 மணி முதல் இரவு 12 மணி வரை இரண்டாவது கால பூஜை, இரவு 12 முதல் அதிகாலை 3 மணி வரை மூன்றாம் கால பூஜை, அதிகாலை 3 மணி முதல் காலை 6 மணி வரை நான்காவது கால பூஜை. இதில் இரவு 11.30 மணி முதல் நள்ளிரவு 1 மணி வரை லிங்கோத்பவ காலமாகும்.
நாளைய தினம் முழுவதும் பக்தர்கள் எதுவும் சாப்பிடாமல் மாலை முதல் அடுத்த நாள் (சனி,09) காலை வரை நான்கு யாமங்களிலும் ஸ்ரீ ருத்ர மகா மந்திரங்களை சொல்லி, 11 திரவியங்களால் (வாசனை தைலம், பஞ்ச கவ்யம், பஞ்சாமிர்தம், நெய், பால், தயிர், தேன், கரும்புச்சாறு, பழரசம், இளநீர், சந்தனம் ஆகியவற்றால் அபிஷேகம் செய்துவிட்டு, பின்னர் சுத்தமான நீர் கொண்டு அல்லது விபூதி கொண்டு அபிஷேகம் செய்யப்படும்) சிவபெருமானை அபிஷேகித்து வழிபடுவார்கள்.
நாளையத்தினம் சுக்கிர பகவான் மற்றும் புதனின் சேர்க்கையானது சிவராத்திரிக்கு முன்னர் நடக்க உள்ளதால் சில ராசியினருக்கு பல விதத்தில் அதிர்ஷ்டமும், பண இலாபமும் கிடைக்கவுள்ளது.இதன் காரணமாக 5 இராசிக்காரர்களுக்கு அதிர்ஷ்டம் கிட்டப்போகின்றது.
அதிர்ஷ்டம் கிட்டப்போகின்ற இராசிகளாக ரிஷபம்,மிதுனம்,துலாம், விருச்சிகம்,கும்பம் காணப்படுகிறது.
அந்த வகையில் 1 - ரிஷப ராசி காரர்களுக்கு சுக்கிர பகவானும், புதன் பகவானும் 10 மற்றும் 11ம் இடத்தில் சஞ்சரிக்க உள்ளார்கள்.
சுக்கிரன்,மற்றும் புதனின் சேர்க்கையானது நிதி நிலையில் ஏற்றம் தரக்கூடியதாக இருக்கும். இரும்பு தொழில், வங்கி தொடர்பான விஷயங்களில் வருவாய் அதிகரிக்கும்.
உங்களின் திருமண வாழ்க்கையில் மகிழ்ச்சி அதிகரிக்கும்.
2 -மிதுன ராசி காரர்களுக்கு புதன் பகவான் சுக்கிரனுடன் சேர்க்கையாகிறது, மேலும் கும்பத்திலும், மீன ராசியிலும் சேர்க்கையாகிறது.
இதனால் பாக்கிய ஸ்தானம், கர்ம ஸ்தானத்தில் நடக்கும் இந்த கிரக சேர்க்கையானது பல வகையில் உங்களுக்கு அதிர்ஷ்டம் தரக்கூடியதாக இருக்கும்.
உங்களின் பயணங்கள் பல வகையில் அனுகூல பலனை தரும்.
வேலையில் முன்னேற்றம் ஏற்பட வாய்ப்புள்ளது.
வேலை மாற்றம் வேண்டும் என நினைப்பவர்களுக்கு பலன் கிடைக்கும்.
3 - துலாம் ராசி காரர்களுக்கு சுக்கிரன் மற்றும் புதனின் சேர்க்கையானது புண்ணிய ஸ்தானம் மற்றும் நோய், எதிரி ஸ்தானத்தில் மாற உள்ளது.
இதன் காரணமாக துலா ராசியினருக்கு கல்வி மற்றும் தொழில் தொடர்பான விஷயங்களில் வெற்றியை அள்ளித் தரும்.
உங்கள் உறவில் முன்பை விட அன்பும், மரியாதையும் அதிகரிக்கும்.
குழந்தை பாக்கியம் தொடர்பான நல்ல விஷயம் நடக்கும்.
உங்கள் எதிரிகளை சிறப்பாக சமாளித்து வெற்றி பெறுவீர்கள்.
மற்றும் தேவையற்ற சர்ச்சைகளில் ஈடுபட வேண்டாம்.
4 - விருச்சிக இராசியினருக்கு சுக ஸ்தானம், புண்ணிய ஸ்தானத்தில் புதன், சுக்கிரனின் சேர்க்கை நடப்பதால் உங்களுக்கு பூர்வீக சொத்து சேரும்.
மற்றும் முன்னோர்களின் ஆசி கிடைக்கும். குடும்பத்தில் பெரியவர்களின் ஆலோசனை வெற்றி வாய்ப்பை அள்ளித் தரக்கூடியாதாக இருக்கும்.
நீங்கள் திட்டமிட்ட வேலைகளை செய்து செல்வத்தை அடைவீர்கள்.
உங்களிளுடைய குடும்பத்தில் மகிழ்ச்சி அதிகரிக்கும். வண்டி, வாகன சேர்க்கை உண்டாகும்.
5 - கும்ப இராசி காரர்களுக்கு நாளை மகாசிவராத்திரி தினத்திற்கு முன் நடக்கும் புதன், சுக்கிரன் சேர்க்கை மற்றும் பெயர்ச்சி காரணமாக உங்களின் வாழ்க்கையில் முன்னேற்றமும், குடும்ப ஒற்றுமையும் சிறப்பாக இருக்கும்.உங்களின் பேச்சு, நடத்தையை நிதானமாக வைத்துக் கொண்டால் அதன் மூலம் நல்ல வெற்றியை பெற்றிடலாம்.
உங்களுடைய விருப்பங்கள் நிறைவேறும். வருமானம் அதிகரிக்கும். குடும்ப உறுப்பினர்களின் ஒத்துழைப்பு மன ஆறுதலை தரும்.
*இலங்கையில் வெளியாகும் உறுதிப்படுத்தப்பட்ட முக்கியமான செய்திகளை மாத்திரம் *நரன் Media network* ஊடாக உடனுக்குடன் தினம்தோறும் பெற்றுக்கொள்கின்றீர்கள்...*
