Latest news: பள்ளித் தேர்வுத் தாள்கள் கசிவு : CID இல் புகார்.
tamil news: மேல்மாகாண கல்வித் திணைக்களத்தினால் இன்று(01.03.2024) வழங்கப்படவிருந்த வருட இறுதிப் பரீட்சை வினாத்தாள்கள் நேற்றிரவு சமூக ஊடகங்களில் பகிரப்பட்ட சம்பவம் தொடர்பில் ஆசிரியர்கள் குழுவொன்று குற்றப் புலனாய்வுத் திணைக்களத்தில்(CID) முறைப்பாடு செய்துள்ளது.
மேல் மாகாண பாடசாலைகளுக்கான தரம் 10 மற்றும் 11 ஆம் வகுப்புகளுக்கான வருட இறுதித் தவணைப் பரீட்சைகள் தற்போது நடைபெற்று வருகின்றன.
எனினும் 10ஆம் வகுப்பு விஞ்ஞான வினாத்தாளில் ஒன்று மற்றும் 11ஆம் வகுப்பு விஞ்ஞான வினாத்தாளின் 2 ஆம் வினாத்தாள் நேற்று இரவு 07.00 மணி முதல் 08.00 மணி வரை சமூக வலைத்தளங்களில் வெளியாகியுள்ளதாக தகவல்கள் வெளியாகியுள்ளன.
ஹோமாகம, மொரட்டுவ மற்றும் கம்பஹா பிரதேசங்களில் வினாத்தாள்கள் வெளியிடப்பட்டுள்ளதாக தெரிவிக்கப்பட்டுள்ளது.
அதன்படி, நேற்று முன்தினம் சமூக வலைதளங்களில் பரப்பப்பட்ட தேர்வு வினாத்தாள்களே இன்று மாணவர்களுக்கு வழங்கப்பட்டன.
*இலங்கையில் வெளியாகும் உறுதிப்படுத்தப்பட்ட முக்கியமான செய்திகளை மாத்திரம் *நரன் Media network* ஊடாக உடனுக்குடன் தினம்தோறும் பெற்றுக்கொள்கின்றீர்கள்...*
