வடக்கு மாகாணத்திற்கான மூன்று நாள் விஜயத்தை மேற்கொண்டுள்ள ஜனாதிபதி!

𝗧𝗮𝗺𝗶𝗹 𝗡𝗲𝘄𝘀 : வடக்கு மாகாணத்திற்கான மூன்று நாள் விஜயத்தை மேற்கொண்டுள்ள ஜனாதிபதி ரணில் விக்ரமசிங்க இன்று வெள்ளி காலை உலங்கு வானூர்தி மூலம் யாழ்ப்பாணம் மத்திய கல்லூரி  மைதானத்தில் வந்திறங்கியுள்ளார்.

வடக்கு மாகாணத்திற்கு வருகைதந்த ஜனாதிபதி ரணில் விக்ரமசிங்கவினை அமைச்சர் டக்ளஸ் தேவானந்தா மற்றும் முன்னாள் இராஜாங்க அமைச்சர் விஜயகலா மகேஸ்வரன் ஆகியோர் வரவேற்றனர்.

வருகைதந்த ஜனாதிபதி யாழ்ப்பாணப் பல்கலைக்கழகத்தின் மருத்துவ பீடத்திற்கு 46 வருடங்களில் முதன்முறையாக 942 மில்லியன் ரூபா செலவில் புதிதாகக் கட்டப்பட்ட கட்டடத்தை அதிபர் ரணில் விக்ரமசிங்க இன்று(24.05.2024) திறந்து வைத்தார்.

பல்கலைக்கழக  மருத்துவ பீட கட்டிடத்தை திறந்துவைத்ததை தொடர்ந்து ஜனாதிபதி ரணில் விக்ரமசிங்க யாழ்ப்பாண துரையப்பா விளையாட்டரங்கில் நடைபெறும் இளைஞர் சேவை மன்ற நிகழ்வுவில் கலந்துகொள்ளவுள்ளார் அதன் பின்னர் தந்தை செல்வா கலையரங்கில் நடைபெறும் ஆசிரியர் நியமன நிகழ்விலும் கலந்துகொள்ளவுள்ளார்.

ஜனாதிபதியின் வடக்கு விஜயத்தை முன்னிட்டு யாழ் நகரில் பாதுகாப்பு பலப்படுத்தப்பட்டுள்ளது.