வெசாக் கொண்டாட்டங்களுக்கு இலங்கை ராணுவம் அனுமதி பெறவில்லை!

tamil news: பௌத்தர்களின் வெசாக் பண்டிகையைக் கொண்டாடுவதன் ஒரு பகுதியாக - யாழ்ப்பாணத்திலுள்ள ஆரியகுளம் குளத்தைச் சுற்றிலும், உள்ளூர் மாநகரசபையின் அங்கீகாரம் இல்லாவிட்டாலும், இலங்கை இராணுவம், தமிழர்களின் பாரம்பரியச் சின்னமான ஆரிய குளத்தைச் சுற்றி அலங்காரங்களையும் விளக்குகளையும் அமைத்துள்ளது. 

மாநகர சபையின் முன்அனுமதியின்றி இலங்கை இராணுவம் வெசாக் அலங்காரத்தை மேற்கொண்டுள்ளதாக மாநகர ஆணையாளர் செய்தியாளர்களிடம் தெரிவித்தார்.

மேலும் ஆரியகுளம் குளத்தை அண்மித்த பகுதிகளில் அலங்காரங்களை தடைசெய்ய தீர்மானித்துள்ளதாகவும் யாழ்ப்பாண மாநகர சபை தெரிவித்துள்ளது.

பௌத்த கலாச்சாரத்தின் ஒரு பகுதியாக தமிழர்களுக்கு சொந்தமான வரலாற்று இடங்களை உரிமை கொண்டாடுவதற்கு அரசு மற்றும் இராணுவத்தின் பௌத்தமயமாக்கலின் நீட்சியாக இந்த நடவடிக்கை பலரால் பார்க்கப்படுகிறது. 

இலங்கை அரசு வடகிழக்கில் குடியேற்றம் மற்றும் பாரம்பரிய தமிழர் பகுதிகளில் பௌத்த கட்டமைப்புகளை கட்டியெழுப்புவதற்கான முயற்சிகளை தொடர்கின்றமை குறிப்பிடத்தக்கது.