உயர்தர பெறுபேறுகள் எப்போது வெளியாகும்!

𝗧𝗮𝗺𝗶𝗹 𝗡𝗲𝘄𝘀 : நடைபெற்று முடிந்த கல்விப் பொதுத் தராதர உயர்தரப் பரீட்சை பெறுபேறுகள் இவ் வார இறுதிக்குள் வெளியாகும் என பரீட்சைகள் திணைக்களம் முன்னதாக தெரிவித்திருந்தது.

அதற்கமைய கல்வி அமைச்சு இதுவரைக்கும் பெறுபேறுகள் வெளியாகும் தினமோ அல்லது நேரமோ அறிவிக்கவில்லை.

இன்று அல்லது நாளை பெறுபேறுகள் வெளியாகும் என்று சமூக வலைத்தளங்களில் (Social media )வெளியிடப்பட்டு வரும் கல்வி அமைச்சினால் உறுதிப்படுத்தப்படாத தகவல்களை மாணவர்கள் நம்ப வேண்டாம் என பரீட்சைகள் திணைக்களம் தெரிவித்துள்ளது.

கடந்த (2024/05/15) இடம்பெற்ற ஊடக சந்திப்பில் கலந்துகொண்ட பரீட்சைகள் ஆணையாளர் நாயகம் அமித் ஜயசுந்தர, கல்விப் பொதுத் தராதர உயர் தரப் பரீட்சையின் பெறுபேறுகளை இம்மாதத்திற்குள்(May) வெளியிடப்படும் என தெரிவித்திருந்தார்.

மேலும் பெறுபேறுகளை வெளியிடுவதற்கான இறுதிக்கட்ட நடவடிக்கைகள் தற்போது இடம்பெற்று வருவதாகவும் அவர் குறிப்பிட்டு இருந்தார்.

ஆகவே மாணவர்கள் போலியான சில புகைப்படங்கள்,செய்திகள், மற்றும்  சமூக வலைத்தளங்களில் பகிரப்படும் செய்திகளை நம்ப வேண்டாம் என தெரிவித்துள்ளனர்.

கல்வி அமைச்சின் அறிவிப்பின் படி இம்  மாத இறுதிக்குள் வெளியிடப் படும் என எதிர்பார்க்கப்படுகிறது.

எனினும் மாதத்தின் வார இறுதி பகுதியை அன்மித்துள்ளமையால் பெறுபேறுகள்  இந்த நாட்களில்  ஏதாவது ஒரு நாளில் வெளியிடப்படலாம்.