இரணைமடு குளத்தில் குளிக்கச்சென்ற 14 வயது சிறுவன் சடலமாக மீட்பு!!!

tamil news: இரணைமடுக் குளத்தில் குளிக்கச்சென்ற சிறுவன் காணாமற்போன நிலையில், இன்று(30.06.2024) சிறுவனின் சடலம் மீட்கப்பட்டுள்ளது.

சம்பவம் தொடர்பில் மேலும் தெரியவருவதாவது,

கிளிநொச்சி மாவட்டத்தின் நீர்ப்பாசன குளமான இரணைமடுக் குளத்தில் நீராடுவதற்காக காணாமற்போன சிறுவனும், அவனது சகோதரன் மற்றும் 2 நண்பர்களும் உடன் சென்றுள்ளனர்.

நேற்று(29.06.2024) காலை 11.30 மணியளவில் நீராடச்சென்ற இவர்களில் 14 வயதுடைய சிறுவன் நீர்ல் மூழ்கிய நிலையில் காணாமற்போயுள்ளான்.

இதனையடுத்து அருகிலுள்ள இராணுவ முகாமிற்கும், உறவினர்களிற்கும் ஏனைய சிறுவர்கள் தகவல் வழங்கியுள்ளனர்.

இந்நிலையில் குறித்த சிறுவனை தேடும் பணியில் இரணைமடு மீனவர்களும், பிரதேச மக்களுமாக நீண்ட நேரமாக ஈடுபட்ட போதும் மீட்க முடியாமல்போயுள்ளது.

தேடுதல் தொடர்ந்த நிலையில் குறித்த சிறுவன் சடலமாக மீட்கப்பட்டார்.

திருமுறிகண்டி இந்து வித்தியாலயத்தில் தரம் 9ல் கல்வி கற்கும் முறிகண்டி வசந்தநகர் பகுதியை சேர்ந்த சிறுவனே இவ்வாறு உயிரிழந்தார்.

குறித்த சம்பவம் தொடர்பில் மாங்குளம் காவற்துறையினர் விசாரணைகளை முன்னெடுத்து வருகின்றனர்.