பாம்பு கடி: 3 பிள்ளைகளின் குடும்பப்பெண் உயிரிழப்பு!!!

tamil news: யாழ்ப்பாணம், வடமராட்சி கிழக்கு ஆழியவளை கொடுக்குளாய் பிரதேசத்தில் பாம்பு தீண்டியதில் 3 பிள்ளைகளின் தாய் ஒருவர் நேற்றையதினம்(27.06.2024) உயிரிழந்துள்ளார்.

கொடுக்குளாய் கிராமத்தில் சேர்ந்த திருநாவுக்கரசு புனிதசோதி என்பவரே இவ்வாறு பாம்பு தீண்டி உயிரிழந்துள்ளார்.

நேற்றையதினம்(27.06.2024) காலை வீட்டின் நிலப்பகுதியை துப்பரவு செய்து கொண்டிருந்தவேளை பனை ஓலைக்குள் மறைந்திருந்த பாம்பு தீண்டியதையடுத்து சம்பவ இடத்திலையே குறித்த குடும்பபெண் உயிரிழந்ததாக குடும்பத்தினர் தெரிவித்துள்ளனர்.

இதனையடுத்து உயிரிழந்த குடும்ப பெண்ணின் சடலம் பிரேத பரிசோதனையின் பின்னர் உறவினர்களிடம் கையளிக்கப்படவுள்ளதாக தெரிவிக்கப்படுகின்றது.

மேலும் இது தொடர்பாக மருதங்கேணி காவல்துறை மேலதிக விசாரணைகளை மேற்கொண்டு வருகின்றனர்.