மன்னாரில் கோரம்: பெண் பலி; 6 பேர் காயம்!
tamil news: மன்னார் – மதவாச்சி பிரதான வீதி, முருங்கன் காவற்துறை பிரிவிற்குட்பட்ட இசைமாலைத் தாழ்வு பகுதியில் 'ஹயஸ்' ரக வாகனம் மின்கம்பத்துடன் மோதிய நிலையில்,
அதில் பயணித்த ஒருவர் பலியானதுடன், 6 பேர் காயமடைந்துள்ளனர்.
இந்த சம்பவமானது நேற்று(21.06.2024) மாலை 4 மணியளவில் இடம்பெற்றுள்ளது.
குறித்த சம்பவம் தொடர்பில் மேலும் தெரியவருவதாவது,
கல்முனையிலிருந்து மன்னார் மறிச்சுக்கட்டி பிரதேசத்திற்கு சென்ற வாகனம் முருங்கன், இசைமாலை தாழ்வு, நரிக்காடு வளைவு பகுதியில் உள்ள மின்கம்பத்துடன் மோதி விபத்துக்கு உள்ளாகியுள்ளது.
இதனையடுத்து காயமடைந்த ஒரே குடும்பத்தைச் சார்ந்த உறவினர்கள் அனைவரும் முருங்கன் வைத்தியசாலைக்கு கொண்டு செல்லப்பட்டதை தொடர்ந்து மேலதிக சிகிச்சைக்காக 7 பேர் மன்னார் மாவட்ட பொது வைத்தியசாலைக்கு மாற்றப்பட்டனர்.
இந்நிலையில் சிகிச்சை பலனின்றி வயோதிப பெண் ஒருவர் உயிரிழந்துள்ளார்.
இதுதொடர்பில் மேலதிக விசாரணைகளை காவல்துறையினர் மேற்கொண்டு வருகின்றனர்.
