முற்பகையினால் இடம்பெற்ற கொடூரம்! இளைஞன் உயிரிழப்பு

tamil news: யாழ்ப்பாணம், நெடுந்தீவு காவல்துறை பிரிவிற்குட்பட்ட நெடுந்தீவு 7ம் வட்டாரத்தில் இன்று(20.06.2024) அதிகாலை கொலைச் சம்பவம் ஒன்று பதிவாகியுள்ளது.

இவ்வாறு கொலை செய்யப்பட்டவர் நெடுந்தீவு 7ம் வட்டாரத்தைச் சேரந்த தேவராஜ் அருள்ராஜ்(வயது 23) ஆவார்.

சம்பவம் தொடர்பில் மேலும் தெரியவருவதாவது இருவருக்கிடையே காணப்பட்ட முற்பகை காரணமாக நேற்று(19.06.2024) இரவு மதுபோதையில் கொலை செய்யப்பட்டவருக்கும்,

சந்தேக நபருக்குமிடையே கொலை செய்யப்பட்டவரின் வீட்டில் வாய்தர்க்கம் இடம்பெற்ற பின்னர் அவரின் வீட்டுக்கு முன்னாலுள்ள வீதியில் இருவர் கொண்ட குழுவால் அடித்து கொலை செய்யப்பட்டுள்ளார்.

கொலை செய்யப்பட்டவர் அடிகாயங்களுடன் நெடுந்தீவு 07ம் வட்டார பகுதியில் சடலமாக மீட்கப்பட்ட பின்னர் நெடுந்தீவு ஆதார வைத்தியசாலைக்கு கொண்டு செல்லப்பட்டுள்ளது.

மேலும் கொலையுடன் சம்பந்தப்பட்டவர்கள் என சந்தேகிக்கப்படும் சந்தேக நபர்கள் இருவரும் தலைமறைவாகியுள்ள நிலையில் சம்பவம் தொடர்பான மேலதிக விசாரணைகளை நெடுந்தீவு காவல்துறை மேற்கொண்டு வருகின்றது.