வீதியால் சென்ற பெண்ணின் சங்கிலி அறுப்பு! வவுனியாவில் தொடரும் அச்சுறுத்தல்

tamil news: வவுனியா கோயில்குளம் பகுதியில் வீதியால் நடந்துசென்ற பெண் அணிந்திருந்த தங்க சங்கிலியை மோட்டார்சைக்கிளில் வந்தவர்கள் அறுத்துச் சென்றுள்ளனர்.

குறித்த சம்பவம் தொடர்பில் மேலும் தெரியவருவதாவது,

வவுனியா, கோவில்குளம் பகுதியில் வீதியால் நடந்துசென்ற பெண்ணை மோட்டார் சைக்கிளில் பின்தொடர்ந்து வந்த இருவர் அவரது 1 பவுண் தங்க சங்கிலியை அறுத்துச் சென்றுள்ளனர்.

இதனைத் தொடர்ந்து பாதிக்கப்பட்டவர் வவுனியா காவற்துறையில் முறைப்பாடு செய்ததைத் தொடர்ந்து விசாரணைகளை வவுனியா காவல்துறையினர் முன்னெடுத்துள்ளனர்.

மேலும் கடந்த இரு தினங்களுக்கு முன்பும் இதேபோன்று வவுனியா – சிதம்பரபுரம் பகுதியிலுள்ள பெண்ணொருவரை பின்தொடர்ந்து மோட்டார் சைக்கிளில் சென்ற இருவர் அவரது சங்கிலியை அறுத்துச் சென்றுள்ளனர்.

எனவே பொதுமக்கள் நகைகளுடன் வீதியில் செல்லும்போது அவதானமாகவும், பின் தொடர்பவர்கள் தொடர்பில் எச்சரிக்கையாகவும் செயற்பட வேண்டும் என காவற்துறையினர் தெரிவித்துள்ளனர்.