STSS: சதை உண்ணும் பக்டீரியா! இலங்கையில் அச்சமில்லை

tamil news: ஜப்பான் முழுவதும் 'சதை உண்ணும் பக்றீரியா' எ‌ன்று பொதுவாக அழைக்கப்படும் Streptococcal Toxic Shock Syndrome(STSS) பரவுவது குறித்து அச்சமடைய வேண்டாம் என இலங்கை சுகாதார அமைச்சின் அதிகாரிகள் தெரிவித்துள்ளனர்.

அதாவது,

கடந்த ஆண்டு ஜப்பானில் பரவ ஆரம்பித்த இந்த பக்றீரியாவினால்,

இந்த ஆண்டில் இதுவரை சுமார் 1,000 பேர் பாதிக்கப்பட்டுள்ளமை பதிவாகியுள்ளன.

இந்நிலையில் இந்த நோய் கடுமையானதாக இருந்தாலும்,

இது ஒரு புதிய/ அசாதாரணமான நிலை அல்ல என இலங்கையின் தொற்றுநோய் பிரிவு பணிப்பாளர் டாக்டர் சமிதா கினிகே தெரிவித்துள்ளார்.

மேலும்

"எஸ்.டி.எஸ்.எஸ் ஒரு சிகிச்சையளிக்கக்கூடிய பக்டீரியா தொற்று என்பதை பொதுமக்கள் புரிந்துகொள்வது முக்கியம்.

ஆபத்தான விளைவுகளுக்கு வழிவகுத்ததாக அறிக்கைகள் இருந்தாலும்,

இந்த நிகழ்வுகள் அரிதானவை" 

என டாக்டர் கினிகே கூறியுள்ளார்.

STSS பக்டீரியாவின் சில விகாரங்களால் ஏற்படுகின்ற இந்நோய் உடனடியாக சிகிச்சையளிக்கப்படாவிட்டால் உயிருக்கு ஆபத்தான நிலைக்கு 48 மணிநேரத்திற்குள் முன்னேறலாம்.

ஆரம்ப அறிகுறிகளில் காய்ச்சல், குளிர், தசை வலி, குமட்டல் மற்றும் வாந்தி ஆகியவை அடங்கும்.

இது 24 முதல் 48 மணி நேரத்திற்குள் குறைந்த இரத்த அழுத்தம், உறுப்பு செயலிழப்பு மற்றும் விரைவான இதய துடிப்பு போன்ற கடுமையான சிக்கல்களுக்கு செல்லலாம்.

ஜப்பானில் உள்ளூர் அறிக்கைகள் முந்தைய ஆண்டுகளுடன் ஒப்பிடும்போது பாதிக்கப்பட்டோரின் எண்ணிக்கை குறிப்பிடத்தக்க உயர்வைக் காட்டுகின்றன.

இந்நோய் பாதிக்கப்பட்டவர்களில் இறப்பு சதவிகிதம் 30% ஆகவுள்ளது.

உலகளாவிய சுகாதார அதிகாரிகள் நிலைமையை உன்னிப்பாகக் கண்காணித்து வருவதால்,

இலங்கையின் சுகாதார அதிகாரிகள் விழிப்புடன் இருப்பார்கள் என்றும், 

வெளிவரும் எந்தவொரு சுகாதார அச்சுறுத்தல்களுக்கும் பதிலளிக்கத் தயாராக இருப்பதாகவும் டாக்டர் கினிகே உறுதிப்படுத்தினார்.

"பொதுமக்களுக்கான முக்கிய செய்தி, பீதி அடைய வேண்டாம்.

ஆனால் STSS உடன் தொடர்புடைய அறிகுறிகளை அவர்கள் அனுபவித்தால், உடனடியாக மருத்துவ ஆலோசனையைப் பெற வேண்டும்."

என்று அவர் மேலும் கூறினார்.