இசை நிகழ்ச்சியில் மோதல்: ஒருவர் பலி, 5 பேர் காயம்
tamil news: வீரகெட்டிய பிரதேசத்தில் நேற்றிரவு(12.07.2024) இடம்பெற்ற இசை நிகழ்ச்சியொன்றில் இரு குழுக்களுக்கிடையில் ஏற்பட்ட மோதலில் ஒருவர் உயிரிழந்துள்ளதுடன் மேலும் ஐவர் காயமடைந்துள்னர்.
குறித்த இசை நிகழ்ச்சியில் கலந்துகொண்ட ஒரு குழுவினருக்கும் தெருவோர வியாபாரி ஒருவருக்கும் இடையே வாக்குவாதம் ஏற்பட்டதாகவும், அதன் பிறகு நிகழ்ச்சி ஏற்பாட்டுக் குழு உறுப்பினர் ஒருவர் தலையிட்டு பதற்றத்தை தணித்ததாகவும் காவற்துறையினர் தெரிவித்தனர்.
அதாவது, பிறிதொரு குழுவினர் ஏற்பாட்டுக்குழு உறுப்பினரைத் தாக்கியதாகவும், அதன்பின் ஏற்பாட்டுக்குழு உறுப்பினர்கள் குறித்த குழுவைத் தாக்கியுள்ளனர், இதன்போது நபரொருவர் கூரிய ஆயுதத்தைப் பயன்படுத்தினார்.
தொடர்ச்சியாக தாக்குதலில் படுகாயமடைந்த 6 பேர் வீரகெட்டிய வைத்தியசாலையில் அனுமதிக்கப்பட்டநிலையில் ஒருவர் உயிரிழந்துள்ளார்.
இவ்வாறு உயிரிழந்தவர் வீரகெட்டியவிலுள்ள மொரயாய பிரதேசத்தில் வசிப்பவர் என அடையாளம் காணப்பட்டுள்ளார்.
குறித்த மரணம் தொடர்பில் சந்தேகநபர் ஒருவர் கைதுசெய்யப்பட்டுள்ள நிலையில், வீரகெட்டிய காவற்துறையினர் விசாரணைகளை மேற்கொண்டு வருகின்றனர்.
