முல்லைத்தீவில் வீடு ஒன்று தீக்கிரையானது!
tamil news: முல்லைத்தீவு முள்ளியவளை காவற்துறை பிரிவிற்குட்பட்ட முள்ளியவளை தெற்கு பகுதியில் வீடு ஒன்று தீயில் முற்றாக எரிந்துள்ளது.
நேற்று(22.07.2024) நள்ளிரவுவேளையில் முள்ளியவளை காட்டு விநாயகர் ஆலயத்திற்கு முன்பாக உள்ள வீடே இவ்வாறு தீயில் எரிந்து சேதமடைந்துள்ளது.
சம்பவத்தினை தொடர்ந்து கிராம இளைஞர்கள் ஒன்றுசேர்ந்து தீயினை கட்டிற்குள் கொண்டுவந்துள்ளதுடன் மின்சார சபையினருக்கு உடனடியாக அறிவிக்கப்பட்டதை தொடர்ந்து விரைந்த மின்சார சபை ஊழியர்கள் வீட்டிற்கான மின் இணைப்பினையும் துண்டித்துள்ளனர்.
ஆனால் இந்த தீப்பரவலை கட்டுக்குள் கொண்டுவந்த வீட்டு உரிமையாளர்களின் உறவினர் முறையான இளைஞன் ஒருவர் வீட்டின் கூரை ஒடு விழுந்து காயமடைந்த நிலையில் முல்லைத்தீவு மாவட்ட மருத்துவமனையில் அனுமதிக்கப்பட்டுள்ளார்.
மேலும் குறித்த வீட்டில் கடந்த 07.01.2024 அன்று இரவு போரில் கால் ஒன்றினை இழந்த அங்கவீனமான குடும்ப பெண்) வீட்டில் உறங்கிக்கொண்டிருந்த நிலையில் குறித்த வீட்டிற்குள் புகுந்த இனந்தெரியாதவர்கள் பெண்ணின் மீது கடுமையாக இரும்பு கம்பியால் தாக்கி கொலைசெய்யும் முயற்சித்தமை குறிப்பிடத்தக்கது.
