புதுக்குடியிருப்பில் நண்பர்களுடன் சேர்ந்து மது அருந்தியவர் கொலை!!!

tamil news: முல்லைத்தீவு, புதுக்குடியிருப்பு காவற்துறை பிரிவிற்குட்பட்ட சுதந்திரபுரம் கொலனி பகுதியில் குடும்பஸ்தர் ஒருவர் கொலை செய்யப்பட்டுள்ளதாக பிரேத பரிசோதனையில் தெரியவந்துள்ளது.

சம்பவம் குறித்து தெரியவருவதாவது,

சுதந்திரபுரம் கொலனி பகுதியியை சேர்ந்த நாகரத்தினம் சுயதீபன்(வயது 28) என்ற குடும்ப தலைவரே வீட்டில் மயங்கிய நிலையில் நேற்று(02.07.2024) மூங்கிலாறு ஆதார மருத்துவமனையில் அனுமதிக்கப்பட்டுள்ளார்.

இதன்போது அவர் உயிரிழந்ததாக தெரியவந்துள்ளது.

இதனையடுத்து சடலம் முல்லைத்தீவு மாவட்ட மருத்துவமனைக்கு அனுப்பிவைக்கப்பட்ட நிலையில் முல்லைத்தீவு மாவட்ட மருத்துவமனையின் சட்டவைத்திய அதிகாரியினால் பிரேத பரிசோதனை மேற்கொள்ளப்பட்டுள்ளது.

இந்நிலையில் பிரேத பரிசோதனையின் போது கழுத்தில் காயங்கள் காணப்படுகின்றமை உறுதிப்படுத்தப்பட்ட நிலையில் அவர் கொலை செய்யப்பட்டுள்யதாக உறுதியாகின்றது. 

மேலும் தனது நண்பர்களுடன் மது அருந்த சென்ற குறித்த நபர் மயக்க நிலையில் நண்பர்களால் தூக்கிக்கொண்டுவந்து வீட்டில் விடப்பட்டதாக பிரதேச வாசிகள் தெரிவித்துள்ளமை குறிப்பிடத்தக்கது.