கணவன் படுகொலை: யாழில் மனைவி உட்பட இருவர் கைது!

tamil news: இன்றையதினம்(31.07.2024) யாழ்ப்பாணத்தில் கணவனை வன்முறை கும்பலை ஏவி படுகொலை செய்ததாக குற்றஞ்சாட்டப்பட்ட மனைவியும், அதற்கு துணைபுரிந்த இளைஞன் ஒருவரும் கைதுசெய்யப்பட்டுள்ளனர்.

சம்பவம் தொடர்பில் மேலும் தெரியவருவதாவது,

கடந்த ஜூன் மாதம் 03ம் திகதி அதிகாலை வெளிமாவட்டத்திலிருந்து வாகனம் ஒன்றில் கோழிகள் கொண்டு வந்து கொலைசெய்யப்பட்டவருக்கு கொடுக்கப்பட்ட பின் வாகனம் திரும்பிச்சென்றுள்ளது.

இதன்போது வீட்டின் வெளியே சத்தம் கேட்டு அவர் வெளியேவந்து பார்த்தபோது இனந்தெரியாத வன்முறைக்கும்பல் அவர் மீது வாள்வெட்டு தாக்குதலை மேற்கொண்டுள்ளது.

சத்தம் கேட்டு அவரது மனைவி வெளியே வந்தபோது வாகை;காட்டி அச்சுறுத்தி அவர் அணிந்திருந்த தங்கச்சங்கிலியை கொள்ளையிட்டு கும்பல் தப்பிச்சென்றுள்ளது.

தொடர்ந்து வாள்வெட்டில் படுகாயமடைந்த குடும்பத்தலைவர் வைத்தியசாலையில் அனுமதிக்கப்பட்டு சிகிச்சை பெற்றுவந்த சில நாட்களில் சிகிச்சை பலனின்றி உயிரிழந்துள்ளார்.

தொடர்ந்து சம்பவம் குறித்து வல்வெட்டித்துறை காவற்துறை விசாரணைகளை முன்னெடுத்து வந்தநிலையில் குறித்த கொலையை நகைக்கான கொலையாக மாற்றவே நகை கொள்ளையடிக்கப்பட்டதாக தெரியவந்த நிலையில் கொலையானவரின் மனைவி கைதுசெய்யப்பட்டு விசாரணைகளை முன்னெடுத்தனர்.

அந்த விசாரணைகளின் பிரகாரம் மற்றுமொரு இளைஞனையும் காவற்துறை கைதுசெய்துள்ளதுடன் இருவரிடமும் காவற்துறை விசாரணைகளை மேலதிக முன்னெடுத்து வருகின்றது.