முன்னாள் தமிழீழ போராளி வாகனத்தால் மோதி கொலை!!!

tamil news: மாந்தை மேற்கு பிரதேசசெயலக பிரிவிலுள்ள அடம்பன் பகுதியில் வசித்துவந்த முன்னாள் தமிழீழ விடுதலைப் போராளி ஒருவர் வாகனத்தினால் மோதி கொலை செய்யப்பட்டுள்ளார்.

குறித்த சம்பவம் நேற்று(05.07.2024) நள்ளிரவு வேளையில் இடம்பெற்றுள்ளது.

உயிரிழந்த நபர் பல்துறை ஆளுமையுள்ள ‘கம்பிகளின் மொழி பிறேம்’ என அழைக்கப்படும் கோபாலகிருஷ்ணன் கோகுல் பிறேம் குமார்(வயது 42) என்னும் குடும்பத்தலைவர் ஆவார்.

சம்பவம் தொடர்பாக மேலும் தெரியவருவதாவது,

நேற்று(05.07.2024) வெள்ளிக்கிழமை இரவு அடம்பன் வீதியிலுள்ள தனது வீட்டிற்கு முன் நின்று தொலைபேசியில் உரையாடிக் கொண்டிருந்துள்ளார்.

சிறிதுநேரத்தில் தன்னை வாகனத்தால் மோதி விட்டுச் சென்று விட்டனர் என்று சத்தம் போட்டுள்ளார்.

இதனைத் தொடர்ந்து குடும்பத்தினரின் உதவியுடன் உடனடியாக அடம்பன் வைத்தியசாலைக்கு கொண்டு செல்லப்பட்ட நிலையில்,

மேலதிக சிகிச்சைகளுக்காக மன்னார் மாவட்ட பொது வைத்தியசாலைக்கு மாற்றப்பட்டுள்ளார்.

இருப்பினும் சிகிச்சை பலனளிக்காத நிலையில் பிறேம் உயிரிழந்துள்ளார்.

பிறேமின் சடலம் தற்போது மன்னார் பொது வைத்தியசாலையின் பிரேத அறையில் வைக்கப்பட்டுள்ள நிலையில் பிரேத பரிசோதனையின் பின்னரே மரணத்திற்கான காரணம் தெரிய வரும் என தெரிவிக்கப்படுகின்றது.

மேலும் ‘கம்பிகளின் மொழி பிறேம்’ என அழைக்கப்படும் கோபாலகிருஷ்ணன் கோகுல் பிறேம்குமார் ஒரு கால் மற்றும் ஒரு கையையும் இழந்த மாற்றுத்திறனாளி என்பது குறிப்பிடத்தக்கது.