செட்டிகுளத்தில் வாள்வெட்டு! 4 பேர் படுகாயம்.

tamil news: வவுனியா, செட்டிகுளம் மெனிக்பாம் பிரதேசத்தில் இனந்தெரியாதோர் நடத்திய வாள்வெட்டுத் தாக்குதலில் 4 பேர் படுகாயமடைந்த நிலையில் வைத்தியசாலையில் அனுமதிக்கப்பட்டுள்ளனர்.

குறித்த சம்பவம் தொடர்பில் மேலும் தெரியவருவதாவது,

இன்றையதினம்(16.08.2024) அதிகாலை வீடொன்றில் குடும்பத்தினர் உறங்கிக்கொண்டிருந்த சமயம் வாள்களுடன் வீட்டிற்குள் நுழைந்த இனந்தெரியாத நபர்கள், வயதான ஐயர் மற்றும் அவரது மனைவி மற்றும் வீட்டிலிருந்த மேலும் இருவர் என 4 பேர் மீது கண்மூடித்தனமான தாக்குதலை மேற்கொண்டுள்ளனர்.

இந்த சம்பவத்தில் காயமடைந்த மூவர் செட்டிகுளம் பிரதேச வைத்தியசாலையில் அனுமதிக்கப்பட்டுள்ளநிலையில், மற்றவர் மேலதிக சிகிச்சைக்காக வவுனியா வைத்தியசாலைக்கு கொண்டுசெல்லப்பட்டுள்ளார்.

இதனையடுத்து தாக்குதல் மேற்கொண்டவர்கள் தப்பிச்சென்றுள்ளதாகவும், பறயனாலங்குளம் காவற்துறையினர் விசாரணைகளை மேற்கொண்டு வருவதாகவும் கூறப்பட்டுள்ளது.