காட்டுவிலங்குகளுக்கு வைக்கப்பட்ட மின்சாரம் தாக்கி வவுனியா இளைஞன் பலி!

tamil news: வவுனியா, ஓமந்தை பிரதேச ஆறுமுகத்தான்குளம் பகுதியில் காட்டுவிலங்குகளுக்காக வைக்கப்பட்டிருந்த மின்சாரம் தாக்கியதில் இளைஞன் ஒருவர் மரணமடைந்துள்ளதாக ஓமந்தை காவற்துறையினர் தெரிவித்தனர்.

இன்று(16.08.2024) அதிகாலைப்பொழுதில் இடம்பெற்ற இந்த சம்பவத்தில் பத்மநாதன் டயான்(வயது 21) என்ற இளைஞனே உயிரிழந்துள்ளார்.

சம்பவம் தொடர்பில் மேலும் தெரியவருவதாவது,

நேற்றிரவு(15.08.2024) தனது வீட்டில் உறங்கிக்கொண்டிருந்த மகனை நீண்டநேரமாகியும் காணாததையடுத்து அவரது தந்தை தேடியுள்ளார்.

இதன்போது காணியின் பின்புறத்தில் குறித்த இளைஞர் சடலமாக கிடந்துள்ளார்.

இதனையடுத்து சம்பவ இடத்திற்குச்சென்ற காவற்துறையினர் சடலத்தை மீட்டுள்ளதுடன் விசாரணைகளை மேற்கொண்டுள்ளனர்.

இந்நிலையில் வீட்டின் பின்புறத்தில் விலங்குகளுக்காக வைக்கப்பட்டிருந்த மின்சாரத்தில் சிக்கியே உயிரிழந்துள்ளதாக ஆரம்பகட்ட விசாரணைகளில் தெரியவந்துள்ளது.