யாழில் பன்றி கொடூரமாக தாக்கியதில் பெண் ஒருவர் பலி!!!

tamil news: இன்று(25.08.2024) அதிகாலை வேளையில் நெடுந்தீவில் இருதயம் தெரியுமளவிற்கு பன்றி கடித்ததால் வயோதிபப்பெண் பரிதாபமாக உயரிழந்துள்ளார்.

யாழ்ப்பாணம், நெடுந்தீவு 15ம் வட்டாரத்தைச் சேர்ந்த நாகமுத்து லட்சுமி(வயது 80) என்பவரே இவ்வாறு உயிரிழந்துள்ளார்.

சம்பவம் குறித்து மேலும் தெரியவருகையில்,

குறித்த பெண்மணி நேற்று(24.08.2024) மாலை வேளை வீட்டுக்கு வெளியே வீதியில் நடந்து சென்றுகொண்டிருந்துள்ளார்.

இதன்போது அங்கிருந்த வளர்ப்புபன்றி அவரை கொடூரமாக தாக்கி இருதயம் வெளியே தெரியுமளவிற்கு கடித்துக் குதறியுள்ளது.

இதனையடுத்து வயோதிபப்பெண் யாழ் போதனா வைத்தியசாலையில் அனுமதிக்கப்பட்டு சிகிச்சை பெற்றுவந்த நிலையில், இன்று(25.08.2024) அதிகாலை சிகிச்சை பலனின்றி உயிரிழந்துள்ளார்.

அவரது சடலம் மீதான மரணவிசாரணையை திடீர் மரணவிசாரணை அதிகாரி நமசிவாயம் பிறேம்குமார் மேற்கொண்டார்.

அடுத்து உடற்கூற்றுப்பரிசோதனைகளின் பின்னர் சடலம் உறவினர்களிடம் ஒப்படைக்கப்பட்டுள்ளது.