புதுக்குடியிருப்பில் கடைகள் மற்றும் உண்டியலை உடைத்து கொள்ளையடித்தவர்கள் கைது!

tamil news: நேற்றையதினம்(04.08.2024) முல்லைத்தீவு, புதுக்குடியிருப்பு பகுதியில் 5 கடைகள் மற்றும் ஆலய உண்டியலை உடைத்து திருட்டில் ஈடுபட்ட குற்றச்சாட்டில் 2 பேர் புதுக்குடியிருப்பு காவற்துறையினரால் கைதுசெய்யப்பட்டுள்ளனர்.

புதுக்குடியிருப்பு காவற்துறைக்கு கிடைக்கப்பெற்ற முறைப்பாடுகளையடுத்து புதுக்குடியிருப்பு காவற்துறை நிலைய பொறுப்பதிகாரி எம்.பி.ஆர்.ஹெரத் தலைமையிலேயே இந்த கைது நடவடிக்கையை மேற்கொண்டிருந்தனர்.

கைதுசெய்யப்பட்ட சந்தேகநபர்கள் 10ஆம் வட்டாரத்தைச் சேர்ந்த சிறுவனும்(வயது 14), மந்துவில் பகுதியைச் சேர்ந்த இளைஞனும்(வயது 24) ஆவார்.

இவர்களிடமிருந்து திருடப்பட்ட 46,230 பணமும், திருடப்பட்ட பொருட்களும் காவற்துறையினரால் கைப்பற்றப்பட்டுள்ளது.

சம்பவம் தொடர்பான மேலதிக விசாரணைகளை புதுக்குடியிருப்பு காவற்துறையினர் மேற்கொண்டுருகினறனர்.

மேலும் புதுக்குடியிருப்பு காவற்துறைப் பிரிவிற்குட்பட்ட பகுதிகளில் கடைகள், ஆலய உண்டியல்கள் உடைத்து திருடப்பட்ட சம்பவங்கள் அண்மைய நாட்களாக தொடர்ச்சியாக இடம்பெற்றுவருகின்றன.

இதனையடுத்து புதுக்குடியிருப்பு காற்துறையினர் புதுக்குடியிருப்பு பகுதிகளில் பாதுகாப்பை அதிகரித்துள்ளனர்.