வவுனியா: தொடர்ச்சியான விபத்துக்களை ஏற்படுத்திய வாகன சாரதி கைது

tamil news: வவுனியா நகர்ப்பகுதியில் ஆபத்தான வகையில் காரைச்செலுத்தி தொடர்ச்சியான விபத்துக்களை ஏற்படுத்திய கார் சாரதியை இளைஞர்கள் விரட்டிப்பிடித்து நையப்புடைக்கப்பட்டு காவற்துறையினரிடம் ஒப்படைக்கப்பட்டார்.

குறித்த சம்பவம் இன்று(28.08.2024) மாலை இடம்பெற்றுள்ளது.

வவுனியா, கூமாங்குளம் பகுதியிலிருந்து காரைச்செலுத்திய சாரதி உக்கிளாங்குளம் பகுதியில் விபத்து ஒன்றை ஏற்படுத்திவிட்டு நிறுத்தாமல் தப்பிச்சென்றுள்ளார்.

இதன்போது வைரவப்புளியங்குளம் மற்றும் வவுனியா நகரப்பகுதியில் பயணித்துக்கொண்டிருந்த ஏனைய வாகனங்களுடனும் மோதி விபத்தை ஏற்படுத்தியுள்ளார்.

இதனையடுத்து குறித்த காரை இளைஞர்கள் சிலர் விரட்டிச்சென்றுள்ளனர்.

அதிவேகமாக பயணித்த குறித்த கார் பூந்தோட்டம், பெரியார்குளம் பகுதியில் வீதியின் கரையிலிருந்த மின்சார கம்பத்துடன் மோதிநின்றது.

இதனையடுத்து காரின் சாரதியை மடக்கிப்பிடித்த இளைஞர்கள், அவரை நையப்புடைத்ததுடன் காவற்துறையிடம் ஒப்படைத்தனர்.