லொறி மீது வான் மோதியதில் இந்திய பிரசை உயிரிழப்பு! 7 பேர் படுகாயம்

tamil news: பொலனறுவை, ஜயந்திபுர பிரதேசத்தில் நேற்று(06.09.2024) இரவு இடம்பெற்ற விபத்தில் இந்திய பிரசை ஒருவர் உயிரிழந்ததுடன் 7 பேர் காயமடைந்துள்ளதாக பொலனறுவை காவற்துறையினர் தெரிவித்தனர்.

சம்பவம் தொடர்பில் மேலும் தெரியவருவதாவது,

வர்த்தக நோக்கத்திற்கு இந்தியாவிலிருந்து இலங்கைக்கு வந்திருந்த வர்த்தகர்களுடன் பொலனறுவையிலிருந்து மின்னேரியா நோக்கிப்பயணித்த வானொன்று, வீதியில் நிறுத்திவைக்கப்பட்டிருந்த லொறியுடன் மோதி விபத்து இடம்பெற்றுள்ளது.

விபத்தில் வானில் பயணித்த இந்திய பிரசை உயிரிழந்துள்ளதுடன் சாரதி உட்பட 7 பேர் காயமடைந்து பொலனறுவை பொது வைத்தியசாலையில் அனுமதிக்கப்பட்டுள்ளனர்.

இதனையடுத்து, லொறி சாரதி கைதுசெய்யப்பட்டுள்ளதுடன் பொலன்னறுவை நீதவான் நீதிமன்றில் இன்று(07.09.2024) ஆஜர்படுத்தப்படவுள்ளதாக காவற்துறையினர் தெரிவித்துள்ளனர்.

சம்பவம் தொடர்பில் மேலதிக விசாரணைகளை பொலன்னறுவை காவற்துறை மேற்கொண்டு வருகின்றமை குறிப்பிடத்தக்கது.