58 மாணவிகள் 9A! சாதனை படைத்த பிரபல பாடசாலை
tamil news: மட்டக்களப்பு மாவட்டத்தில் தற்சமயம் வெளியாகியுள்ள கல்விப் பொதுத் தராதர சாதாரண பரீட்சை முடிவுகளில் மட்டக்களப்பு வின்சென்ட் பெண்கள் தேசிய பாடசாலையின் 58 மாணவிகள் 9A சித்திகளை பெற்று சாதனை படைத்துள்ளனர்.
கல்விப் பொதுத் தராதர சாதாரணதரப் பரீட்சையில் சிறந்த பெறுபேறுகளைப் பெற்ற மாணவர்களுக்கு பாராட்டி கௌரவிக்கும் நிகழ்வு இன்றையதினம்(01.10.2024) இடம்பெற்றது.
மாணவர்களை கௌரவிக்கும் நிகழ்வில் மட்டக்களப்பு வலய நிர்வாக பிரதிக் கல்விப்பணிப்பாளர் சாமினி ரவிராஜ், வலயக்கல்வி அலுவலகக் கல்வி அபிவிருத்தி பிரதி கல்விப்பணிப்பாளர்களான நிதர்சினி மகேந்திர குமார், என்.குகதாசன், பிரதிக்கல்வி பணிப்பாளர் திருமதி சுபாகரன் மற்றும் பாடசாலை பிரதி அதிபர்கள், ஆசிரியர்கள், மாணவர்கள், பெற்றோர்கள் என பலதரப்பினர் கலந்துகொண்டனர்.
மேலும் மட்டக்களப்பு மாவட்டத்திலும், கிழக்கு மாகாணத்திலும் அதிக A சித்திகளைப்பெற்ற பாடசாலையாக மட்டக்களப்பு வின்சன்ட் மகளிர் தேசிய பாடசாலை உள்ளமை குறிப்பிடத்தக்கது.
