வவுனியா புதிய பிரதேச செயலாளர் பதவியேற்பு!

tamil news: வவுனியா பிரதேச செயலகத்தின் பிரதேச செயலாளராக முன்னாள் வவுனியா, நெடுங்கேணி பிரதேச செயலராக கடமையாற்றிய இ.பிரதாபன் அவர்கள் இன்று(02.10.2024) காலை 10.00 மணியளவில் தனது கடமைகளை பொறுப்பேறுள்ளார்.

வவுனியா தமிழ் மத்திய மகாவித்தியாலயத்தின் பழையமாணவரான பிரதாபன் அவர்கள் முல்லைத்தீவில் உதவி பிரதேச செயலராகவும்,

புதுக்குடியிருப்பில் பிரதேச செயலராகவும்,

வவுனியா வடக்கு பிரதேச செயலராகவும் கடமையாற்றிய நிலையில் தற்சமயம் வவுனியா பிரதேச செயலராக நியமிக்கப்பட்டுள்ளார்.

புதிய பிரதேச செயலரை வரவேற்கும் நிகழ்வில் வவுனியா அரசாங்க அதிபர் பி.எ. சரத்சந்திர, வவுனியா உதவி தேர்தல் ஆணையாளர், பிரதேச செயலக ஊழியர்கள் மற்றும் கிராம சேவையாளர்கள் என பலரும் கலந்துகொண்டிருந்தனர்.

மேலும் பிரதாபன் முன்னாள் வடமாகாணசபை உறுப்பினர் ஆர்.இந்திரராசாவின் புதல்வர் என்பது குறிப்பிடத்தக்கது.