மியன்மார் நிலநடுக்கம்: பலி எண்ணிக்கை 163!

tamil news:

மியன்மார் மற்றும் தாய்லாந்து நாடுகளில் நேற்றையதினம்(28.03.2025) அடுத்தடுத்து கடுமையான நிலநடுக்கம் ஏற்பட்டது.

மியன்மாரின் 'மாண்டலே' அருகே முதலில் ஏற்பட்ட நிலநடுக்கம் ரிச்டர் அளவில் சுமார் 7.7 ஆக பதிவாகியிருந்தது.

சிறிதுநேரத்தில் மீண்டும் 6.4 ரிச்டர் அளவில் நிலநடுக்கம் ஏற்பட்டது.

அண்டைநாடுகளான வியட்நாம், மலேசியா, பங்களாதேஷ் மற்றும் இந்தியாவின் வடகிழக்கு மாநிலங்களிலும் இதன் தாக்கம் உணரப்பட்டுள்ளது.

நிலநடுக்கம் காரணமாக மியன்மார் மற்றும் தாய்லாந்தின் பல்வேறு இடங்களில் கட்டிடங்கள் இடிந்துவிழுந்து தரைமட்டமாகியுள்ளன.

அதேநேரம் தாய்லாந்து தலைநகர் பாங்கொக்கில் மிகப்பெரிய கட்டிடம் சரிந்து விழுந்துள்ளது.

புதிதாக கட்டப்பட்டுக்கொண்டிருந்த அந்த கட்டிடம் இடிந்து விழுந்ததால் அந்த இடிபாடுகளில் ஏராளமான ஊழியர்கள் சிக்கியிருக்கலாம் என அஞ்சப்படுகின்றது.

அதேபோல மியன்மாரில் மாண்டலே நகரிலுள்ள ஒரு மசூதி இடிந்துவிழுந்ததில் சுமார் 20 பேர் உயிரிழந்திருப்பதாக கூறப்படுகின்றது.

இந்நிலையில் கட்டிடங்கள் இடிந்து விழுந்தபோது பதிவுசெய்யப்பட்ட வீடியோக்கள் வெளியாகி அதிர்ச்சியை ஏற்படுத்தியுள்ளன.

நிலநடுக்கத்தால் பாதிக்கப்பட்ட பகுதிகளில் முழுவீச்சில் மீட்பு பணிகள் நடைபெறுகின்றன.

இந்நிலையில் மியன்மாரில் ஏற்பட்ட சக்திவாய்ந்த நிலநடுக்கத்தால் இதுவரை 163 பேர் உயிரிழந்ததாகவும்,

சுமார் 300 இற்கும் மேற்பட்டோர் படுகாயம் அடைந்து சிகிச்சைக்கு அனுமதிக்கப்பட்டுள்ளதாகவும் தகவல் வெளியாகியுள்ளது.

அதேபோன்று தாய்லாந்தில் நிலநடுக்கத்தால் 4 பேர் உயிரிழந்தநிலையில்,

50 இற்கும் மேற்பட்டோர் படுகாயம் அடைந்துள்ளனர்.

தாய்லாந்தில் 81 பேர் இடுபாடுகளில் சிக்கியுள்ளநிலையில் உயிரிழப்பு எண்ணிக்கை மேலும் அதிகரிக்கும் என்று அஞ்சப்படுகின்றது.