வடக்கில் மீண்டும் கிறீஸ் பூதம்? கூறுகிறது ஈ.பி.டி.பி.

tamil news:

வடக்கில் மீண்டும் கிறீஸ் பூதம் தொடர்பாக சந்தேகம் எழுந்துள்ளதாக ஈழ மக்கள் ஜனநாயகக் கட்சி(ஈ.பி.டி.பி.) ஊடகச் செயலாளர் ஸ்ரீகாந் பன்னீர்ச் செல்வம் தெரிவித்துள்ளார்.

மக்கள் மற்றும் ஊடகங்கள் இந்த விவகாரத்தில் விழிப்புடன் இருக்க வேண்டியதன் அவசியம் அவர் கூறியுள்ளார்.

யாழ் ஊடக மையத்தில் நடைபெற்ற ஊடக சந்திப்பில் அவர் இதனைத் தெரிவித்தார்.

நிகழ்வுகளுக்கான சந்தேகம்

நடப்புக் காலத்தில் உள்ளூராட்சி மன்றத் தேர்தல் அறிவிக்கப்பட்டுள்ள நிலையில்,

கடந்தகாலங்களில் போல திட்டமிட்ட வகையில் சில சூழ்நிலைகள் உருவாக்கப்படுகிறதா என்ற சந்தேகம் எழுவதாக அவர் கூறினார்.

ஜே.வி.பி. நாடாளுமன்ற உறுப்பினர் ரஜீவன் ஜெயானந்தமூர்த்தி,

யாழ்ப்பாணத்தில் போதைப் பொருள் பயன்பாடு அதிகரித்துள்ளதாக சமூக ஊடகங்களில் பதிவு செய்ததாக அவர் குறிப்பிட்டார்.

இது திட்டமிட்ட செயற்பாடாக இருக்கலாம் என்ற சந்தேகம் ஏற்படுவதாகவும் தெரிவித்தார்.

யாழ்ப்பாணத்தின் தனித்துவத்துக்கு பாதிப்பு?

போதைப் பொருள் பாவனை என்பது நாடளாவிய பிரச்சினையாக இருக்கும் போதிலும்,

யாழ்ப்பாணத்தில் இது தனிப்பட்ட பிரச்சினை என நினைப்பதற்கு காரணமில்லை. இதை அடிப்படையாக கொண்டு,

யாழ்ப்பாணத்தின் மரியாதைக்கும் தனித்துவத்திற்கும் களங்கம் விளைவிக்க முடியுமா என்ற கேள்வி எழுகிறது.

அரசாங்கத்தின் நடவடிக்கைகள்

இன்றைய அரசாங்கம் முன்னர் அளித்த வாக்குறுதிகளை நிறைவேற்ற முடியாத நிலையிலே உள்ளூராட்சி தேர்தலை எதிர்கொள்கிறது.

காணிகள் விடுவிக்கப்படும், காணாமல் போனோர் விவகாரம், அரசியல் கைதிகள் விடுதலை, பயங்கரவாதத் தடைச் சட்டத்தைக் கலைத்தல் என்பன பேச்சாகவே உள்ளது.

இந்நிலையில்,

நாடாளுமன்றத்தில் உரையாற்றிய ஜனாதிபதி,

வடக்கு கிழக்கில் ஆயுதச் செயல்பாடுகள் இருக்க வாய்ப்பு உள்ளதாக தெரிவித்திருந்தார்.

அதேசமயம், கிழக்கில் வாள் வெட்டுச் சம்பவங்கள் அதிகரித்துள்ளன.

மக்கள் விழிப்பாக இருக்க வேண்டும்

இந்த சூழ்நிலையைப் பார்க்கும் போது,

கடந்த காலத்தில் உருவாக்கப்பட்ட கிறீஸ் பூதம் போலவே,

மக்களிடம் அச்சத்தை உருவாக்கும் முயற்சி மீண்டும் நடக்குமோ என்ற அச்சம் எழுவதாக ஸ்ரீகாந் பன்னீர்ச் செல்வம் தெரிவித்தார்.

எனவே, மக்கள் மற்றும் ஊடகங்கள் விழிப்புடன் இருக்க வேண்டும் எனவும்,

அரசாங்கம் தனது செயல்பாடுகளில் பொறுப்புடன் செயல்பட வேண்டும் எனவும் அவர் வலியுறுத்தினார்.